D’Katz kotzt

D’Katz, der oide Rauberer, reißt d’Maus,

Schlingts, a Ganz’s, gierig aba.

D’Augn falln ihr zua,

Mitm Kopf nach unten ringelt sa si z’sam wia r a Igel.

Langsam koppts auf, immer öfter,

Ihr Körper wind’t si wia r a Schlang’

Na spuckts d’Maus-Kutteln aus,

Raus, mitm bitteren Lebensmittel-Graus!

Unzerkaut, unverdaut,

rückwärts d’Speiseröhre rhytmisch wieder aussi g’haut!

Jetzt konns wieder schnurren und schlaffa.

Ja, Katz, recht hast scho!

Benno Kreuzmair, 27. Januar 2002